Azərbaycan Dövlət Neft Şirkətinin (SOCAR) “Azəriqaz” İsyehsalat Birliyi rəhbərliyinin Hacıqabul rayonunda vətəndaş qəbulu keçiriləcək.

“Report” “Azəriqaz”a istinadən xəbər verir ki, noyabrın 6-də saat 12:00-da Heydər Əliyev Mərkəzində baş tutacaq görüş zamanı Hacıqabul və Şirvan rayonlarından olan sakinlərin müraciətləri dinləniləcək.

Qurum vətəndaşların diqqətinə çatdırır ki, qəbulda ünvanlanan müraciətlər yalnız "Azəriqaz"ın fəaliyyəti ilə bağlı olmalıdır. Qəbula dair əlavə məlumat almaq istəyənlər Salyan Regional qaz istismarı İdarəsinə (tel: 050-845-93-11; 055-510-59-95) müraciət edə bilərlər.