"Valideynlər dərs proqramlarının ağırlığı ilə bağlı müraciət etsələr də, cavabını tapa bilmirlər. Xüsusilə də bu problem I və II siniflərə aiddir. Bu məsələyə baxan yoxdur. Bu nə qədər belə olacaq?!"

Şəffaflıq.az xəbər verir ki, bu fikirləri Milli Məclisin Əmək və sosial siyasət komitəsinin üzvü, deputat Rauf Əliyev deyib.

"Valideynlər şikayət edirlər ki, işdən gəlirlər, uşaqlarla birgə dərs hazırlayırlar. Bu, məsələ öz həllini tapmalıdır. Təklif edirəm ki, parlamentin Elm və təhsil komitəsi ilə birgə dinləmə keçirək və görək ki, bu problemin kökü haradadır".