Ukraynanın Donetsk vilayətinin Baxmut şəhərində Rusiyanın 1 100 əsgəri məhv edilib.

Şəffaflıq.az xəbər verir ki, bu barədə Ukrayna Prezidenti Volodimir Zelenski bildirib.

Zelenski qeyd edib ki, düşmən Baxmut uğrunda döyüşlərdə çoxsaylı itkilər verib.

"Bunlar Rusiyanın bərpaolunmaz itkiləridir, məhz Baxmut yaxınlığında. Üstəlik, düşmənin onlarla texnikası məhv edilib. Rusiyanın 10-dan çox silah-sursat anbarı yandırılıb", - Ulrayna Prezidenti deyib.

Martın 7-də isə bildirilib ki, Baxmut şəhərində Rusiya Ukraynadan 5 dəfə çox hərbçi itirib. NATO-nun adının çəkilməsini istəməyən rəsminin sözlərinə görə, Ukrayna Silahlı Qüvvələri də Baxmutda xeyli itki verir.