ABŞ hakimiyyəti 25 Belarus vətəndaşına sanksiya tətbiq edib.

Şəffaflıq.az TASS-a istinadən xəbər verir ki, bu barədə ABŞ dövlət katibi Entoni Blinken məlumat verib.

Bildirilib ki, demokratiyaya zərbə vurmaqda ittiham olunan həmin şəxslərə viza məhdudiyyəti tətbiq olunub.

E.Blinken deyib ki, mövcud hakimiyyət orqanları Belarus xalqının demokratik istəklərini boğmağa davam edir.

Sanksiya qoyulan şəxslərin siyahısı hələ ki açıqlanmayıb.

Ağ Ev rəsmisi vurğulayıb ki, onların arasında Belarus parlamentinin üzvləri də var.