Bakıda köşk qarət olunub.

Şəffaflıq.az xəbər verir ki, hadisə gecə saat 4 radələrində Xətai rayonu “8 noyabr” prospektində qeydə alınıb.

İki nəfər Sabirabad rayon sakini 20 yaşlı İbrahimli Elmir Rüfət oğlunun satıcı işlədiyi köşkə yaxınlaşıb və biri belindən dəmir parçası çıxararaq, onu hədələyib. Bu yolla köşkdə olan 750 manatı ələ keçiriblər.

Faktla bağlı cinayət işi başlanıb. Hadisəni törətməkdə şübhəli bilinən Abaszadə Mehdi Əlihüseyn oğlu saxlanılaraq, istintaqa təhvil verilib.