Putin MDB vətəndaşlarının pensiya hüquqları haqqında sazişi ləğv edib
Rusiya Prezidenti Vladimir Putin MDB vətəndaşlarının təqaüd hüquqlarının təminatı haqqında sazişin denonsasiyası haqqında qanun imzalayıb.
İmzalanan sənədə əsasən, Rusiya 2023-cü il yanvarın 1-dən etibarən MDB vətəndaşlarının təqaüd hüquqlarının təminatı üzrə sazişdən imtina edə bilər.
Sənəddə həmçinin qeyd edilir ki, təqaüd hüquqlarına dair müqavilə köhnəlib və Rusiya MDB-dəki tərəfdaşları ilə pensiya ilə bağlı yeni ikitərəfli müqavilələrin və sazişlərin bağlanması üzərində işləyir.
Məlumat üçün qeyd edək ki, saziş 1992-ci il martın 13-də Moskvada imzalanıb.
Sazişə əsasən, iştirakçı ölkələrin hər birinin vətəndaşları üçün pensiya hüququ müəyyən edilərkən keçmiş SSRİ ərazisində qazanılmış iş stajı nəzərə alınırdı.
Bu saziş SSRİ-də iş təcrübəsi olmuş vətəndaşların maraqlarını tam təmin edib.
Şəffaflıq.az
Facebook-da paylaş
