Rusiyalı deputat evində güllələnib
Rusiyanın Leninqrad vilayətində Vıborqski rayonundan bələdiyyə deputatı və biznesmen Aleksandr Petrov özünün bağ evində öldürülüb.
Bu barədə “47news” xəbər yayıb.
Bildirilir ki, naməlum şəxs oktyabrın 24-də, axşam saat 6 radələrində Petrovu güllələyib.
Baş verənlərlə bağlı təfərrüat açıqlanmayıb.
Hadisə ilə bağlı İstintaq Komitəsi tərəfindən Rusiya Federasiyası Cinayət Məcəlləsinin 105-ci maddəsi ilə cinayət işi başladılıb.
Qeyd edilir ki, yerli media onu dəfələrlə Vıborqskinin qeyri-rəsmi sahibi adlandırıb. Petrov özü belə adlandırılmamağı tələb edib.
Bundan sonra media iş adamını "nexozyayin" (qeyri-sahib) adlandırmağa başlayıb.
Şəffaflıq.az
Xəbəri paylaş
Facebook-da paylaş