Şamaxı və Qobustan Yol polisi gücləndirilmiş iş rejiminə keçib - FOTO/VİDEO
Şamaxı- Qobustana qarın yağması ilə əlaqədar Rayon Polis Şöbəsinin əməkdaşları gücləndirilmiş iş rejiminə keçiblər.
Daxili İşlər Nazirliyinin Mətbuat Xidmətinin Bakı-Şamaxı-Yevlax regional qrupundan Şəffaflıq.az-a verilən məlumata görə, RPŞ-nin Dövlət Yol Polisi bölməsinin əməkdaşları tərəfindən rayon ərazisində təhlükəsizliyin təmin edilməsi və baş verə biləcək xoşagəlməz hadisələrin qarşısının dərhal alınması istiqamətində bütün zəruri qabaqlayıcı tədbirlər həyata keçirilir.
Rayon ərazisində nəqliyyatın hərəkəti inspektorlar tərəfindən tənzimlənir, sürücülərlə profilaktik söhbətlər aparılır və onlara yollarda olan vəziyyət haqqında məlumat verilir.
Bundan əlavə, şöbə əməkdaşları qarlı və buzlu yollara qum və duz səpilməsi prosesinə ciddi nəzarət edir, yollarda qalmış və köməyə ehtiyacı olan vətəndaşlara bütün lazımi köməklikləri göstərirlər.
Video görüntünü təqdim edirik
Fəhmin Vüqaroğlu.
Məhərrəm Səmədov.
Şəffaflıq.az
Facebook-da paylaş
