Meksikada 13 nəfər güllələnib
Meksikanın qərbindəki Xalisko ştatının Tonala bələdiyyəsində naməlum şəxslər 13 nəfəri güllələyib.
Şəffaflıq.az “Kommersant” nəşrinə istinadən məlumat verir ki, bölgə prokurorluğunda hadisə ilə əlaqədar istintaq başlanıb.
“Emiliano Sapata küçəsindəki səkinin üzərində güllə yarası almış 10 nəfərin cəsədi tapılıb. Bundan əlavə, yaxınlıqdakı evdə yenə də odlu silah yaraları olan yeniyetmə oğlanın meyiti aşkar olunub”, - deyə prokurorluqdan bildirilib.
Güllələnən bir qadın və bir uşaq olmaqla daha iki nəfər isə xəstəxanaya yerləşdirilib.
Şahidlərin sözlərinə görə, cinayətkarlar üç avtomobildən ibarət avtokarvanla hərəkət ediblər. Hadisənin səbəbləri məlum deyil.
Xəbəri paylaş
Facebook-da paylaş
