Ana südü insan orqanizminin formalaşması üçün olduqca faydalıdır. Tibb günbəgün inkişaf etdiyinə görə hər gün yeni xəbər eşidib heyrətlənirik. Məsələn amerikalı transgender qadın yeni doğulmuş körpəsinə süd verib.
 Şəffaflıq.az bildirir ki,bu xəbəri Publika.az xarici mediaya istinadən xəbər verib, həmin qadın öncə kişi olub. 2011-ci ildən etibarən isə hormonal dərmanlar qəbul edərək, cinsiyyətini dəyişdirməyə meyl edib. İllər sonra tanış olduğu hamilə rəfiqəsi doğulacaq övladına süd verməkdən imtina etdiyini bildirib. O, isə bu müqəddəs vəzifəni öz üzərinə götürmək istədiyini bildirərək, həkimlərlə məsləhətləşib. Məlum olub ki, öncə kişi bədəni olmuş orqanizmdə hormonal dərmanlar qəbul etdikdən sonra laktasiya prosesi sürətlənə bilər.
Xatırladaq ki, Amerikada dünyaya göz açan körpə transgender ananın südü ilə böyüyən ilk insan kimi tarixə düşüb. Həkimlər bildiriblər ki, qadın həddən artıq narahatlıq və yuxusuzluq problemi yaşasa da, çox xoşbəxtdir.
Leyla Sarabi