Azərbaycan ziyalıları və vətəndaş cəmiyyətinin üzvləri beynəlxalq və regional təşkilatlara müraciət ünvanlayıblar

Azərbaycan ziyalıları və vətəndaş cəmiyyətinin üzvləri Birləşmiş Millətlər Təşkilatına, Birləşmiş Millətlər Təşkilatının Təhlükəsizlik Şurasının daimi üzvlərinə, Qoşulmama Hərəkatına, Şimali Atlantika Müqaviləsi Təşkilatına (NATO), NATO Parlament Assambleyasına, Avropada Təhlükəsizlik və Əməkdaşlıq Təşkilatına, Avropa İttifaqına, Avropa Şurasına, Avropa Şurasının Parlament Assambleyasına, ATƏT Parlament Assambleyasına, ATƏT-in Minsk qrupunun həmsədr ölkələrinə, Müstəqil Dövlətlər Birliyinə, Qara Dəniz İqtisadi Əməkdaşlıq Təşkilatına, Birləşmiş Millətlər Təşkilatının Qaçqınlar üzrə Ali Komissarlığına, Birləşmiş Millətlər Təşkilatının Elm, Təhsil və Mədəniyyət üzrə ixtisaslaşmış qurumuna (UNESCO) və Uşaq Fonduna (UNICEF) müraciət ünvanlayıblar.
Şəffaflıq.az müraciəti təqdim edir.
XXI əsrin başlanğıcında yüksək sürətlə inkişaf edən mədəniyyət, elm, texnologiyanın son nailiyyətlərinin bəşəriyyətin sülh və əmin-amanlığına xidmət etməsi fonunda, Ermənistan hələ də orta əsrlər zehniyyətində hakim olan torpaq işğalı və ərazi iddialarını gündəmə gətirərək günümüzün reallıqlarını dərk etmir.
Bonn Beynəlxalq Konversiya Mərkəzinin (Bonn International Center for Conversion) 2020-ci il fevral ayında açıqladığı dünya dövlətlərinin silahlanma indeksinə görə, Ermənistan əhalisinin hər min nəfərinə düşən hərbçi sayı, ümum daxili məhsulda (ÜDM) silahlanmaya ayrılan xərclər, hərbi xərclər, səhiyyə xərcləri, ordunun say tərkibi və ağır silahların sayı baxımından dünyada üçüncü, Avropada isə birinci yerdədir. Hesabatda Ermənistanın silahlanma yarışında ilk yerlərdə olması səbəbinin Dağlıq Qarabağ münaqişəsi və son 30 ildə militarist siyasət həyata keçirməsi olduğu qeyd edilir.
Beynəlxalq sülhün və təhlükəsizliyin əsas təminatçısı olan BMT Təhlükəsizlik Şurasının Ermənistan-Azərbaycan Dağlıq Qarabağ münaqişəsi ilə bağlı 1993-cü ildə qəbul etdiyi 822, 853, 874 və 884 saylı qətnamələrində Ermənistan silahlı qüvvələrinin işğal etdiyi Azərbaycan ərazilərindən tam və qeyd-şərtsiz çıxarılmasının vacibliyi açıq şəkildə tələb edilir. Bu qətnamələrdə Ermənistanın Azərbaycana qarşı həyata keçirdiyi təcavüzkar addımlar qınanır, münaqişə tərəfi olmayan mülki şəxslər qorunur və ərazi əldə etmək üçün güc tətbiqinin yolverilməz olduğu vurğulanır. Eyni zamanda, Azərbaycanın ərazi bütövlüyü, suverenliyi və beynəlxalq aləmdə tanınmış sərhədlərinin toxunulmazlığı qeyd olunur.
2020-ci il sentyabrın 27-də səhər saat 06-dan etibarən Ermənistanın hərbi qüvvələri 1994-cü ildən qüvvədə olan atəşkəs razılaşmasını kobud şəkildə pozaraq genişmiqyaslı hərbi əməliyyatlara başlamış, bütün təmas xətti boyunca Azərbaycanın mülki obyektlərini böyük çaplı silahlardan, minomyotlardan, artilleriya qurğularından və ballistik raketlərdən atəşə tutmuşdur.
27 sentyabr - 11 oktyabr arasında Ermənistanın silahlı qüvvələri döyüş bölgələrindən kənarda yerləşən Gəncə və Mingəçevir şəhərlərini, Abşeron, Xızı, Bərdə, Beyləqan, Ağcabədi, Zərdab, Goranboy, Göygöl, Tərtər, Yevlax yaşayış məntəqələrini atəşə tutaraq 13-ü qadın, 3-ü uşaq olmaqla, 41 mülki şəxsi qətlə yetirmiş, 206 mülki şəxsi yaralamışlar. Yaralananlar içərisində 44 qadın və 22 uşağın (onlardan 6 körpə) olması diqqət çəkir.
Bu hücumlar nəticəsində 1185 şəxsi evə, 148 sosial infrastruktur obyektinə və 57 yaşayış binasına əsaslı zərər dəymişdir. Bundan əlavə, işğalçı Ermənistanın hərbi qüvvələri bölgə üçün böyük irriqasiya əhəmiyyəti daşıyan Mingəçevir Su Elektrik Stansiyasını, Avropanın enerji təhlükəsizliyinin əsasını təşkil edən və regionun iri strateji obyektləri sayılan Bakı-Tbilisi-Ərzurum qaz və Bakı-Tbilisi-Ceyhan neft boru xətlərini hədəf kimi seçərək bombalamışlar.
Eyni zamanda, Ermənistan hərbi-siyasi hakimiyyəti tərəfindən Azərbaycanın işğal olunmuş ərazilərinə digər ölkələrdən muzdlu terrorçular gətirilərək, "Azərbaycan Respublikasının dövlət sərhədi haqqında" Qanunu pozulmuş və Ermənistan hərbi qüvvələri tərəfindən azərbaycanlı əhaliyə qarşı istifadə olunmuşdur.
Ermənistan 2020-ci il sentyabrın 27-də atəşkəs rejimini pozaraq hərbi əməliyyatlara başladıqdan sonra şəhərlərə və digər yaşayış məntəqələrinə qarşı qadağan olunmuş "9N235", həmçinin "M85" bombacıqlarından istifadə etmişdir.
Qeyd olunan bombacıqlar "Kaset Sursatlar haqqında" Konvensiyaya (CCM) uyğun olaraq 2008-ci ildə qadağan olunmuş sursatlar sinfinə daxil edilib.
Humanitar məqsədlərlə Rusiyanın vasitəçiliyi ilə oktyabrın 10-da atəşkəs razılığı əldə edilməsinə baxmayaraq, Ermənistan silahlı qüvvələri 11 oktyabr gecə saat 2-də öz ölkəsinin ərazisindən Azərbaycanın ikinci böyük şəhəri olan Gəncəni "Elbrus" ballistik raketlərlə (SCUD) bombalamışdır. Nəticədə 4-ü qadın olmaqla 9 nəfər həlak olmuş, 17-si qadın və 6-sı azyaşlı olmaqla 35 nəfər yaralanmış, həmçinin 3 bina tamamilə məhv edilərək, 10-dan artıq çoxmənzilli binaya və 100-dən çox müxtəlif təyinatlı obyektlərə ziyan dəymişdir.
BMT üzvü olan və 1944-cü ildə "Beynəlxalq Mülki Aviasiya haqqında Çikaqo Konvensiyası"nı imzalamış bir sıra Avropa ölkələri konvensiyanın şərtlərini kobudcasına pozaraq, Ermənistana mülki təyyarələrlə silah daşımağa başlamışlar.
Ermənistanın atəşkəs rejiminə əməl etməməsi bölgə və beynəlxalq aləmdə sülhü və təhlükəsizliyi ciddi şəkildə təhdid edir. Ermənistan əsgərlərinin cəsədlərini yığan, üzərində ağ bayraq qaldırıldığı bariz şəkildə görünən Azərbaycanın tibbi maşınlarını atəşə tutur.
1949-cu ildə qəbul edilən Cenevrə Konvensiyasının müharibə zamanı mülki şəxslərin müdafiəsi ilə bağlı 18-ci maddəsində qeyd olunur ki, heç bir halda münaqişə tərəfləri mülki insanların toplandığı yerə mərmi atmamalı, artilleriya atəşinə tutmamalıdır. Təcavüzkar Ermənistanın hərbi-siyasi rəhbərliyi heç bir beynəlxalq norma və prinsipə əməl etməyərək, Cenevrə Konvensiyası ilə üzərinə düşən öhdəlikləri kobud şəkildə pozaraq, dinc əhalini, çoxsaylı evləri, mülki obyektləri, təsərrüfat təyinatlı məntəqələri hədəfə almaqda davam edir və mülki vətəndaşlara qarşı cinayətlər törədir. Əhalinin kompakt olduğu məntəqələr, rayon və kənd mərkəzləri, mülki infrastruktur obyektləri, xəstəxanaları, tibb məntəqələri, məktəb binaları və uşaq bağçaları hədəf kimi seçilir.
Yuxarıda qeyd edilənləri diqqətə alaraq, 1993-cü ildə BMT-nin Təhlükəsizlik Şurası tərəfindən qəbul edilmiş 822, 853, 874 və 884 saylı qətnamələrin icra olunmasını, Ermənistan silahlı qüvvələrinin dərhal və qeyd-şərtsiz olaraq Azərbaycanın ərazisini tərk etməsini, 1 milyon məcburi köçkünün yaşayış yerlərinə qayıtması üçün şərait yaradılmasını tələb edirik.
Ermənistanın bölgə və beynəlxalq təhlükəsizlik mühitini təhdid edən təcavüzkar siyasəti dərhal dayandırılmalı, Azərbaycanın işğal olunmuş ərazilərindən ən qısa zamanda çıxması üçün Ermənistana təzyiq edilməli, hərbi cinayətlərinin qarşısı alınmalıdır.
1. Əli Əhmədov Yeni Azərbaycan Partiyasının sədr müavini - icra katibi
2. Fəzail Ağamalı "Ana Vətən" Partiyasının sədri, Milli Məclisin deputatı
3. Sabir Rüstəmxanlı Vətəndaş Həmrəyliyi Partiyasının sədri, Milli Məclisin deputatı
4. Elşən Musayev Azərbaycan Demokratik Maarifçilik Partiyasının sədri, Milli Məclisin deputatı
5. Tahir Kərimli Vəhdət Partiyasının sədri, Milli Məclisin deputatı
6. Fazil Mustafa Böyük Quruluş Partiyasının sədri, Milli Məclisin deputatı
7. Asim Mollazadə Demokratik İslahatlar Partiyasının sədri, Milli Məclisin deputatı
8. Qüdrət Həsənquliyev Bütöv Azərbaycan Xalq Cəbhəsi Partiyasının sədri, Milli Məclisin deputatı
9. Sabir Hacıyev Vətəndaş Birliyi Partiyasının sədri, Milli Məclisin deputatı
10. Razi Nurullayev Milli Cəbhə Partiyasının sədri, Milli Məclisin deputatı
11. İlqar Məmmədov Real Partiyasının sədri
12. Arzuxan Əlizadə Azərbaycan Milli İstiqlal Partiyasının sədri
13. Rafiq Turabxan Azərbaycan Xalq Demokratik Partiyasının sədri
14. Osman Əfəndiyev Milli Demokrat İdrak Partiyasının sədri
15. Xudadat Xudiyev "Birlik" Partiyasının sədri
16. Hacıbaba Əzimov Vahid Azərbaycan Milli Birlik Partiyasının sədri
17. Əlisahib Hüseynov Milli Həmrəylik Partiyasının sədri
18. Mais Səfərli Azərbaycan Yurddaş Partiyasının sədri
19. İqbal Ağa-zadə Azərbaycan Ümid Partiyasının sədri
20. Firudin Kərimov "Qorqud" Partiyasının sədri
21. Samir Cəfərov Azərbaycan Milli Hərəkat Partiyasının sədri
22. Hacı Hacıyev/Rauf Qurbanov Azərbaycan Kommunist Partiyası
23. Abutalıb Səmədov Azərbaycan Naminə Alyans Partiyasının sədri
24. Əsli Kazımova Azərbaycan Sosial Rifah Partiyasının sədri
25. Əvəz Temirxan Azərbaycan Liberal Partiyasının sədri
26. Araz Əlizadə Azərbaycan Sosial Demokrat Partiyasının sədri
27. İxtiyar Şirinov Milli Konqres Partiyasının sədri
28. Sübut Əsədov Azərbaycan Respublikaçılar Partiyasının sədri
29. Pənah Hüseyn Azərbaycan Xalq Partiyasının sədri
30. Fuad Əliyev Azərbaycan Liberal Demokrat Partiyasının sədri
31. Sərdar Cəlaloğlu Azərbaycan Demokrat Partiyasının sədri
32. Ağadur Müslümov "Azərbaycan Mübarizləri" Partiyasının sədri
33. İlyas İsmayılov "Ədalət" Partiyasının sədri
34. Yunus Oğuz "Milli Vəhdət" Partiyasının sədri
35. Hafiz Hacıyev Müasir Müsavat Partiyasının sədri
36. Kamil Seyidov Azərbaycan Azad Respublikaçılar Partiyasının sədri
37. Əhməd Oruc Azadlıq Partiyasının sədri
38. Elşad Musayev Böyük Azərbaycan Partiyasının sədri
39. Teyyub Qəniboğlu Azərbaycan Təkamül Partiyasının sədri
40. Mirmahmud Fəttayev Klassik Xalq Cəbhəsi Partiyasının sədri
41. Əli Əliyev Vətəndaş və İnkişaf Partiyasının sədri
42. Tufan Kərimov Azərbaycan Milli Demokrat Partiyasının sədri
43. Qulamhüseyn Əlibəyli Aydınlar Partiyasının sədri
44. Fərəc Quliyev Milli Dirçəliş Hərəkatı Partiyasının sədri
45. Tural Abbaslı Ağ Partiyasının sədri
46. Musa Ağayev Yeni Zaman Partiyasının sədri
47. Sülhəddin Əkbər Azad Demokratlar Partiyasının sədri
48. Bədrəddin Quliyev Cümhuriyyət Xalq Partiyasının sədri
49. Əflan İbrahimov Müstəqil Xalq Partiyasının sədri
50. Ağasif Şakiroğlu Gələcək Azərbaycan Partiyasının sədri
51. Səbinə Əliyeva Azərbaycan Respublikasının İnsan hüquqları üzrə müvəkkili (ombudsman)
52. Eldar Quliyev Ağsaqqallar Şurasının sədri, Milli Məclisin deputatı
53. Səttar Möhbalıyev Azərbaycan Həmkarlar İttifaqı Konfederasiyası nın sədri, Milli Məclisin deputatı
54. Məmməd Musayev Azərbaycan Respublikasının Sahibkarlar (İşəgötürənlər) Təşkilatları Milli Konfederasiyasının prezidenti
55. Anar Rzayev Azərbaycan Yazıçılar Birliyinin sədri, Xalq yazıçısı
56. Şəfiqə Məmmədova Azərbaycan Respublikası Kinematoqrafçılar İttifaqının sədri, Xalq artisti
57. Firəngiz Əlizadə Azərbaycan Bəstəkarlar İttifaqının sədri, Xalq artisti
58. Fərhad Xəlilov Azərbaycan Rəssamlar İttifaqının sədri, Xalq rəssamı
59. Azərpaşa Nemətov Azərbaycan Teatr Xadimləri İttifaqının sədri, Azərbaycan Dövlət Akademik Milli Dram Teatrının direktoru, Xalq artisti
60. Elbay Qasımzadə Azərbaycan Memarlar İttifaqının sədri, Əməkdar memar
61. Elçin Şıxlı Azərbaycan Jurnalistlər Birliyinin sədri
62. Ömər Eldarov Azərbaycan Rəssamlıq Akademiyasının rektoru, Azərbaycan Respublikasının Xalq rəssamı
63. Fərhad Bədəlbəyli Bakı Musiqi Akademiyasının rektoru, Xalq artisti
64. Siyavuş Kərimi Azərbaycan Milli Konservatoriyasının rektoru, Xalq artisti
65. Rauf Zeyni Milli QHT Forumunun prezidenti
66. Rufiz Qonaqov "Beynəlxalq Münasibətlərin Araşdırılması Mərkəzi" İctimai Birliyinin sədri
67. Əhmədov Elman Abbas oğlu "Azəri tat mədəniyyət mərkəzi" İctimai Birliyinin sədri
68. Rzayev İmran Sədulla oğlu "Samur Ləzgi Milli Mədəni Mərkəzi" İctimai Birliyinin sədri
69. Şaulov İqor Aleksandroviç "Dağ Yəhudilərinin İrsi Mərkəzi" İctimai Birliyinin sədri
70. Məlikova İradə Şirzad qızı (təsisçi və baş redaktor) "Dodo" qəzetinin baş redaktoru
71. Qorxmaz İbrahimli "Demokratik Seçki Mərkəzi" İctimai Birliyinin sədri
72. Novella Cəfəroğlu "D.Əliyeva adına Azərbaycan Qadınlarının Hüquqlarının Müdafiə Cəmiyyəti" İctimai Birliyinin sədri
73. Səltənət Qocamanlı "İnsan Hüquqlarının və Qanunçuluğun Müdafiəsi" İctimai Birliyinin sədri
74. Səadət Bənənyarlı "Beynəlxalq İnsan Hüquqları Cəmiyyəti Azərbaycan Milli Bölməsi" İctimai Birliyinin sədri
75. Mustafa Babanlı "Azərbaycanın Əcnəbi Məzunlarının Beynəlxalq Assosiasiyası" İctimai Birliyinin sədri
76. Umud Mirzəyev Beynəlxalq Avrasiya Mətbuat Fondu
77. Nüşabə Məmmədova "Beynəlxalq Dialoq və İnkişaf Alyansı" İctimai Birliyinin sədri
78. Cəsarət Hüseynzadə "İnformasiya Təşəbbüslərinə Dəstək" İctimai Birliyinin sədri
79. Şəmistan Əlizamanlı "Vətənpərvərliyin Təbliğinə Dəstək" İctimai Birliyinin sədri
80. Sevda Tahirli "Mirzə Ələkbər Sabir" Fondunun prezidenti
81. Tənzilə Rüstəmxanlı Azəri-türk qadınları birliyinin sədri
82. Şamil Ələkbərli "Xocalı Soyqırımını Tanıtma" İctimai Birliyinin sədri
83. Şəlalə Həsənova "İctimaiyyətlə Əlaqələrin İnkişafına Kömək" İctimai Birliyinin sədri
84. Yadigar Məmmədli "Azərbaycan Demokratik Jurnalistlər Liqası" İctimai Birliyinin sədri
85. Tahir Xudiyev "Beynəlxalq Əlillər Cəmiyyəti" İctimai Birliyinin sədri
86. Zaur Qəriboğlu "Beynəlxalq İnformasiya və Regional Araşdırmalar" İctimai Birliyinin sədri
87. Hüseynov Etibar Şakir oğlu "Azərbaycan-Britaniya Məzunları" İctimai Birliyinin sədri
88. Fikrət Yusifov "Ekonomiks" beynəlxalq iqtisadi araşdırmalar İctimai Birliyinin sədri
89. Rəfail Becanov İnsan Hüquqları və Maarifçilik İctimai Birliyinin sədri
90. Mehriban Abdullayeva Demokratik Cəmiyyət və Qadın hüquqlarının müdafiəsi İctimai Birliyinin sədri
91. Mehriban Zeynalova "Təmiz Dünya" Qadınlara Yardım İctimai Birliyinin sədri
92. Sahib Məmmədov Vətəndaşların Əmək Hüquqlarını Müdafiə Liqası
93. Mais Əliyev "Sosial Hüquqların Araşdırılması" İctimai Birliyinin sədri
94. Əliməmməd Nuriyev "Konstitusiya" Araşdırmalar Fondunun prezidenti
95. Vüsal Quliyev "Gənclər üçün Təhsil Mərkəzi" İctimai Birliyinin sədri
96. Gündüz Osman "Multimedia" informasiya sistemləri və texnologiyaları mərkəzi İctimai Birliyinin sədri
97. Mirəli Hüseynov "Demokratiyanı öyrənmə" İctimai Birliyinin sədri
98. Sabit Bağırov Sahibkarlığa və Bazar İqtisadiyyatının İnkişafına Yardım Fondunun prezidenti
99. İradə Rizazadə "Vətəndaşların Sosial Rifahı Naminə" İctimai Birliyinin sədri
100. Həsənli Emin Əliyar oğlu Tərxis Olunmuş Hərbçilərin "Gəncləri Maarifləndirmə" İctimai Birliyinin sədri
101. Ziba Nəbiyeva "İnkişafa Doğru Qadın Təşəbbüsü" İctimai Birliyinin sədri
102. Tünzalə Cavadova "Qadın və Gənc Ailələrin Sosial İnkişafı" İctimai Birliyinin sədri
103. Füzuli Rzaquliyev "Azərbaycan Vətən Müharibəsi Veteranları" İctimai Birliyinin sədri
104. Samirə Mustafayeva "Azad Həmfikirlər" Gənclərin Maarifləndirilməsi İctimai Birliyinin sədri
105. Mehdi Mehdiyev Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin sədri
106. Rövşən Quliyev "Qarabağ-Əlil Döyüşçülər" Futbol Federasiyası İctimai Birliyinin sədri
107. Akif Nağı "Qarabağ Azadlıq Təşkilatı" İctimai Birliyinin sədri
108. Əliyev Asəf Kərim oğlu "Qarabağ Qaziləri" İctimai Birliyinin sədri
109. Hacibala Əzimov "Veteran tankçılar" İctimai Birliyinin sədri
110. Elmira Məhəddinli "Beynəlxalq Humanistika İnstitutu" İctimai Birliyinin sədri
111. Fuad Rzayev "Bakı Müharibə Əlil və Veteranları" İctimai Birliyinin sədri
112. Kənan Yusif-Zadə "Hərbi Cərrahlar" İctimai Birliyinin sədri
113. Tamxil Hacıyev "Hərbi Mövzular üzrə İxtisaslaşmış Jurnalistlər" İctimai Birliyinin sədri
114. İmamverdi Həmidov talış icmasının ağsaqqalı
115. Əhməd Həpiyev kürd icmasının ağsaqqalı
116. Mixail Zabelin Azərbaycanda Rus İcmasının rəhbəri, Milli Məclisin deputatı
117. Aleksandr Zareçnı T.Şevçenko adına Azərbaycanda Ukrayna İcmasının rəhbəri
118. Aleksandr Şarovski Avropa Yəhudilərinin Bakı Dini İcmasının rəhbəri
119. Milix Yevdayev Bakı Dağ Yəhudiləri Dini İcmasının rəhbəri
120. Robert Mobili Azərbaycan Respublikasının Alban-Udi Xristian Dini İcmasının rəhbəri
121. Oleq Danakari Udi Mədəniyyət Mərkəzinin rəhbəri
122. İsmayıl Rəhimov Azərbaycanda Yaşayan Axısqa Türkləri "Vətən" İctimai Birliyinin rəhbəri
123. Rafiq Abdullayev "Buduq" Xeyriyyə Cəmiyyətinin rəhbəri
124. Gülcan Miəsautova "Tuqan tel" Tatar Mədəniyyəti Cəmiyyətinin rəhbəri
125. Səidə Mehdiyeva Azərbaycanda yaşayan yunanların "Arqo" Cəmiyyətinin rəhbəri
126. Rafael Qvaladze Azərbaycanda yaşayan Gürcü İcmasının rəhbəri
127. Mariya Hüseynova-Atanasova Azərbaycan-Bolqarıstan Dostluğunun İnkişafına Yardım İctimai Birliyinin rəhbəri, "Akkord" jurnalının baş redaktoru
128. Sevinc Bulacova İngiloy İcmasının rəhbəri
129. Sədaqət Kərimova şair, Azərbaycanın Əməkdar mədəniyyət işçisi (ləzgi)
130. Maqsud Hacıyev professor, Azərbaycan Yazıçılar Birliyi və Azərbaycan Jurnalistlər Birliyinin üzvü, Beynəlxalq Şərqşünaslar Assosiasiyasının həqiqi üzvü (tat)
131. Şair Ramaldanov Azərbaycan Silahlı Qüvvələrinin ehtiyatda olan polkovniki (ləzgi)
132. Ramazan Xutrayev şair (avar)
133. Fərrux Poladov fərdi təqaüdçü (avar)
134. Şahuddin Malaxov Azərbaycan Silahlı Qüvvələrinin istefada olan polkovniki (avar)
135. Pyotr Qurtovenko istefada olan birinci dərəcəli kapitan (ukraynalı)
136. Lesya Kərimova Bakı Slavyan Universitetinin Ukrayna mədəni-maarif mərkəzinin rəhbəri (ukraynalı)
137. Eldar Abdullayev Qarabağ müharibəsi veteranı, istefada olan polis mayoru (buduq)
138. Rais Şabakayev Qarabağ müharibəsi veteranı, istefada olan polkovnik-leytenant (tatar)
139. Moisey Bekker AMEA-nın Hüquq və İnsan Haqları İnstitutunun elmi işçisi (yəhudi)
140. Anastasiya Lavrina politoloq, CBC telekanalının aparıcısı (rus)
шаблоны для dle 11.2


Facebook-da paylaş