İndoneziyada son sutkada ən çox yoluxma baş verib
İndoneziyada son sutkada 533 nəfərdə koronavirusa yoluxma faktı aşkarlanıb.
Şəffaflıq.az xəbər verir ki, bunu ölkənin Səhiyyə Nazirliyi açıqlayıb.
Bildirilib ki, son sutkalarla müqayisədə ən çox yoluxma faktı qeydə alınıb. Son 3 gündə onların sayı 400-ü aşmayıb.
Məlumata görə, ölkə üzrə koronavirusa yoluxma hallarının sayı 13 645-ə, ölənlərin sayı isə 959-a çatıb. Pandemiya başlayandan 2 607 pasiyent, yaxud yoluxanların 19,1%-i sağalıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 4 milyonu ötüb. Bunların 1,4 milyon nəfərdən çoxu sağalıb, 276 mindən çoxu isə ölüb.
Facebook-da paylaş
