FAB Şirkətlər Qrupu fəaliyyətə başlamağının 22-ci ildönümünü qeyd edir.

Şirkətin əsası 2001-ci ilin 24 aprelində istehlakçıların keyfiyyətli inşaat məhsullarına olan tələbatını qarşılamaq məqsədilə qoyulub. 

FAB Şirkətlər Qrupunun ilk işi dünya standartlarına uyğun, müasir texnologiyalarla təchiz olunmuş keyfiyyətə nəzarət laboratoriyaları qurmaq olub. Bu müddət ərzində şirkət istehsal sahələrini günbəgün genişləndirib. Böyük kollektivi ilə müasir tələblərə cavab verən “FAB Boya”, “Polimerlər”, “Hıll Fan” plastik məhsullar, “FABKİM Quru İnşaat Qarışıqları”, “Beyaz Alçı” fabriklərini istifadəyə verib. Standartlara uyğun, ekoloji təmiz məhsul istehsalını vərdişə çevirib. FAB Şirkətlər Qrupu dürüstlük, ədalət prinsipləri əsasında əməkdaşlıq əlaqələrini genişləndirməyə davam edir. 

Şirkət gərgin zəhməti, güclü iradə və əzmi sayəsində uğur pillələrində inamla adımlayır və günbəgün böyüyür. Ölkəmizin iqtisadi inkişafına, insanlarımızın sosial-rifahının yaxşılaşdırılmasına dəstək olur. FAB Şirkətlər Qrupu 22-ci ildönümü münasibətilə tərəfdaşlarına, əməkdaşlarına və məhsul istifadəçilərinə təşəkkür edir.

Birlikdə neçə uğur dolu illərə!