Kürdəmir sakini özünə tüfənglə xəsarət yetirib.

“Report”un Yuxarı Şirvan bürosu xəbər verir ki, hadisə rayonun Çöl-Qubalı kəndində qeydə alınıb.

Belə ki, kənd sakini 32 yaşlı Babayev Rəsul Babalı oğlu kənd ərazisində atla gedərkən əlindəki ov tüfəngi anidən açılıb.

Bu zaman o, qarın nahiyəsindən xəsarət alıb.

Yaralı ətrafdakı insanların köməyi ilə Kürdəmir Rayon Mərkəzi Xəstəxanasına aparılıb və həkim nəzarətinə götürülüb.

Hazırda fakt araşdırılır.