Ceyhun Bayramovla ABŞ Dövlət katibinin müavininin telefon danışığı olub

 

Xarici İşlər naziri Ceyhun Bayramov və ABŞ Dövlət katibinin müavini Stiven Biqan arasında telefon danışığı baş tutub.

Xarici İşlər Nazirliyinin Mətbuat Xidməti idarəsindən Musavat.com-a verilən məlumata görə, ABŞ rəsmisi bölgədə baş verən yüksək gərginlik ilə bağlı ciddi narahatlığını ifadə edərək, hazırkı vəziyyəti sorğu edib.

Nazir Ceyhun Bayramov Ermənistan silahlı qüvvələrinin növbəti təcavüz aktı barədə məlumat verərək Azərbaycan silahlı qüvvələrinin özünü müdafiə hüququ çərçivəsində mülki əhalini müdafiə etmək məqsədilə həyata keçirildiyi cavab həmlələrini qeyd edib. Bölgədə yaşanan bu gərginliyin kökündə Ermənistanın 30 ilə yaxındır ki, davam edən işğalçılıq siyasətinin durduğu vurğulanıb və BMT TŞ qətnamələrinin tələbləri başda olmaqla, beynəlxalq təşkilatların qərarlarının yerinə yetirilməsinin vacibliyi bildirilib. Yaranmış vəziyyətin tam məsuliyyətinin Ermənistan üzərində olduğu vurğulanıb.

ABŞ Dövlət katibinin müavini Stiven Biqan öz növbəsində gərginliyin azaldılması üçün tərəflərin müvafiq addımlar atmasının vacibliyini qeyd edib.

Şəffaflıq.az

Xəbəri paylaş

Facebook-da paylaş


Bənzər xəbərlər
  • Azərbaycan və Gürcüstan XİN başçıları arasında telefon danışığı olub
  • Həmsədrlər Parisdə Qarabağ münaqişəsinə dair məsləhətləşmələr keçirib
  • Ceyhun Bayramov Sergey Lavrov ilə sərhəddə baş verənləri müzakirə etdi
  • ABŞ Dövlət Departamenti cəbhədəki gərginliklə əlaqədar bəyanat yayıb
  • Ceyhun Bayramov Rusiya səfirini Ermənistanın hərbi təxribatları barədə məlumatlandırıb
    • {sape_links}{sape_article}