Vaqif Mustafayev istefa verdi
Görkəmli kinorejissor, "Space" TV-nin rəhbəri Vaqif Mustafayev tutduğu vəzifədən istefa verib.
Şəffaflıq.az xəbər verir ki, Vaqif Mustafayev istefa ərizəsi yazaraq kanalı tərk edib.
Qeyd edək ki, V. Mustafayev kanala 2006-cı ildən rəhbərlik edirdi.
Əslində "Space TV"yə rəhbərlik Vaqif Mustafayev kimi parlaq bir rejissorun ən pis işlərindən biri olub. Belə ki, ölkənin ilk müstəqil telekanallarından olan "Space TV" Vaqif Mustafayevin rəhbərlik etdiyi dövrdə ən baxımsız kanala çevrilib.
Telekanal daha çox hind filmlərini nümayiş etdirməklə, xəbər mühitindən geri qalmaqla, şou-biznesə üstünlük verməklə diqqət çəkib. Bundan başqa, telekanalda çalışan bir sıra peşəkar mütəxəssislər zaman-zaman iş yerlərini tərk ediblər.
"Space TV" son illərdə ən az məvacib verən televiziya kimi gündəmə gəlib. Bu azmış kimi, "Space TV"nin 90-cı illərdən sonra texniki avadanlıqları yenilənməyib.
Buna görə də Vaqif Mustafayevin telekanaldan uzaqlaşdırılması gözlənilən idi.
Facebook-da paylaş
