ADB "Bakı Metropoliteni"nin genişləndirilməsi üçün texniki yardımı təsdiqləyib

Asiya İnkişaf Bankı (ADB) "Bakı Metropoliteni"nin genişləndirilməsi layihəsi çərçivəsində texniki yardım üçün 225 min ABŞ dollarınin ayrılmasını təsdiqləyib.

Şəffaflıq.az ADB-yə istinadən xəbər verir ki, maliyyələşdirmə xüsusi texniki yardım fondundan həyata keçiriləcək.

Vəsaitlər “Bakı Metropoliteni” QSC-nin aşağıdakı istiqamətlərdə dəstəklənməsinə yönəldiləcək:

- mövcud və hazırlanan layihə sənədlərinin təhlili:

- nəqliyyat sektorunda idarəetmə səmərəliliyinin artırılması üçün institusional dəyişikliklərə dəstək;

- infrastruktur layihələrinin həyata keçirilməsində potensialın gücləndirilməsi,

- ekoloji tələblər, satınalmalar və layihə fəaliyyətinin digər aspektləri sahəsində ADB standartları ilə bağlı biliklərin ötürülməsi.

Bu dəstəyin Bakıda metropolitenin müasir, səmərəli və tələblərə uyğun inkişafına töhfə verəcəyi gözlənilir.