Bu il Azərbaycanda dövlət satınalmaları ilə bağlı proqnoz açıqlanıb
13-05-2024, 11:57
Bu il Azərbaycanda dövlət satınalmalarının ümumi məbləğinin 8 milyard manata yaxın olacağı proqnozlaşdırılır.
Şəffaflıq.az xəbər verir ki, bunu İqtisadiyyat Nazirliyi yanında Antiinhisar və İstehlak Bazarlarına Nəzarət Dövlət Xidmətinin rəisi Məmməd Abbasbəyli Təchizat Zənciri Liderləri Zirvəsində deyib.
O bildirib ki, ötən il Azərbaycanda dövlət satınalmalarının ümumi məbləği 2022-ci illə müqayisədə 11,3 % artaraq 7 milyard 545,5 milyon manat təşkil edib: "Bu il isə bu rəqəmin daha da artacağını düşünürük. Eyni zamanda elektron satınalmalarda da mühüm irəliləyişlər əldə olunacaq”.
O qeyd edib ki, satınalmalar tam elektronlaşdırıldığından bu il bunun həcmi 100 % səviyyəsində təşkil edəcək.
Geri qayıt