İranda polis məntəqəsinə hücum nəticəsində 12 polis ölüb, 7 nəfər yaralanıb

İranın Sistan-Bəlucistan əyalətinin Rask qəsəbəsinə hücum nəticəsində 12 polis ölüb, 7-si yaralanıb.
Şəffaflıq.az xəbər verir ki, məlumatı “Fars” agentliyi yayıb.

İranın Sistan-Bəlucistan əyalətinin Rask qəsəbəsində polis məntəqəsinə silahlı hücum nəticəsində 12 polis əməkdaşı ölüb.

Şəffaflıq.az xəbər verir ki, məlumatı “Fars” agentliyi yayıb.

Məlumata görə, hücumu “Çeyş-əl-Adl” qruplaşması həyata keçirib. Bildirilib ki, atışma nəticəsində silahlı qruplaşma üzvləri də itki verib.

Bəluclar İran, Əfqanıstan və Pakistanla həmsərhəd ərazilərdə yaşayır. İranın təhlükəsizlik qüvvələri ilə bəluc silahlıları arasında tez-tez qarşıdurma olur.

Etnik azlıq olan bəluclar milli hüquqlarının təmin olunmasını, həyat şəraitlərinin yaxşılaşdırılmasını tələb edirlər.