Bakıda ölümlə nəticələnən yol qəzası baş verib

Bakıda ölümlə nəticələnən yol qəzası baş verib.

Şəffaflıq.az qafqazinfo-ya istinadən xəbər verir ki, bu gün saat 01 radələrində Bakı-Ələt magistralının Qaradağ rayonu Qobustan qəsəbəsindən keçən hissəsində 1994-cü il təvəllüdlü Emil Əsədullayevin idarə etdiyi "VAZ" markalı minik avtomobili onunla eyni istiqamətdə hərəkət edən "KamAZ" markalı yük maşınına çırpılıb.

Nəticədə "VAZ"da olan sərnişin, 1993-cü il təvəllüdlü Zərqulu Mirzəliyev aldığı xəsarətlərdən vəfat edib.

Qeyd edək ki, qəza törədən sürücü E.Əsədullayevin Səbail Rayon Polis İdarəsinin (PPXB) keçmiş əməkdaşı olduğu bildirilir.

Faktla bağlı cinayət işi başlanılıb, araşdırma aparılır.