ABŞ müharibə başlayandan bəri Ukraynaya 88 min ton silah və hərbi texnika verib

ABŞ müharibə başlayandan bəri Ukraynaya 230-dan çox artilleriya sistemi tədarük edib.

Bu barədə ABŞ Dövlət Departamenti məlumat yayıb.

Məlumata görə, ABŞ-dən Ukraynaya 142 yedəkli M777A2 155 mm-lik haubitsa və 36 ədəd 105 mm-lik haubitsa verilib. Bundan əlavə, ölkəyə 38 HIMARS MLRS və iyirmi 120 mm-lik minaatan göndərilib.

Həmçinin, silahların çatdırılması üçün ağır yük təyyarələri ilə 878 uçuş edilib. Bununla yanaşı, eyni məqsədlər üçün 48 gəmi və 4 min qoşqu istifadə edilib.

Ümumilikdə, ABŞ Ukraynaya 88 min ton silah və hərbi texnika ilə dəstək verib.

Şəffaflıq.az