Rusiyada daha bir deputat koronavirusa yoluxdu
26-04-2020, 10:41
Rusiya Dövlət Dumasının daha bir deputatı, Kommunist Partiyası (KPRF) fraksiyasına daxil olan Dmitri Novikov koronavirusa yoluxduğunu və hazırda xüsusi rejimli xəstəxanada müalicə olunduğunu təsdiqləyib.
Şəffaflıq.az TASS-a istinadən xəbər verir ki, deputat ikitərəfli pnevmoniya diaqnozu ilə müalicə olunur.
“Müalicə olunuruq. Bəli, koronavirus təsdiqlənib...İkitərəfli virus pnevmoniyasıdır. Yüksək temperatur yoxdur” - deyə Novikov bildirib. Onun sözlərinə görə, koronavirusa yoluxduğu həm testlə, həm kompüter tomoqrafiyası ilə təsdiqlənib.
Deputatın aprelin 24-də xəstəxanaya yerləşdirildiyi haqda bundan əvvəl kommunistlərin sıralarındakı mənbəyə istinadən xəbər yaymışdılar. Bildirilirdi ki, Novikovu dünən aprelin 24-də axşam təcili yardım maşını ilə aparıblar. Onda COVİD-19 şübhəsi var.
Deputatın sonuncu dəfə iştirak etdiyi plenar iclas aprelin 14-də keçirilib. Üç gün sonra o, növbəti iclasa gəlməyib, aprelin 22-də isə Leninin movzoleyinə çələng qoyulması mərasiminə qatılmayıb.
Dmitri Novikov 1969-cu ildə anadan olub. 2007-ci ildən Dövlət Dumasının deputatıdır. Bundan əvvəl digər kommunist deputat Leonid Kalaşnikovun da koronavirusa yoluxduğu açıqlanmışdı. O, ikitərəfli pnevmoniya diaqnozu ilə müalicə alır, vəziyyəti orta ağırdır.
Geri qayıt