Bakının Nəsimi rayonunda bədbəxt hadisə zamanı iki yaşlı körpə ağır xəsarət alıb.

Şəffaflıq.az-ın məlumatına görə, Mirəli Qaşqay küçəsində yaşayan 2021-ci il təvəllüdlü N.Əliyeva ehtiyatsızlıqdan sağ əlini evdə işlək vəziyyətdə olan elektrik dəzgahına salıb.

Ağır xəsarət alan körpə xəstəxanaya çatdırılıb. Onun əlini dəzgahdan çıxarmaq üçün Fövqəladə Hallar Nazirliyinin (FHN) xilasetmə qrupu cəlb edilib və Əliyeva N. xilas edilib.

Həkimlərin müayinəsi zamanı ona sağ əlin barmaqlarının çoxsaylı kəsilmiş-didilmiş yaraları diaqnozu qoyulub.

Hadisənin təfərrüatı araşdırılır.