"TuranBank" 30 yaşını qeyd edir
Sizin inam və etibarınızla hər il daha da böyüyürük
Azərbaycan bank sektorunda dayanıqlılığı ilə seçilən, müştərilərin inam və rəğbətini qazanan, biznesdə etibarlı tərəfdaş imicini illərlə qoruyub saxlayan "TuranBank" ASС fəaliyyətinin 30-cu ilini qeyd edir. Bank 30 illik fəaliyyəti ərzində bir çox uğurlara imza atıb, xüsusilə kiçik və orta sahibkarlara dəstək olmaqla ölkədə özəl sektorun inkişafına öz töhfəsini vermiş, rəqəmsal bankçılığın yaratdığı imkanlardan maksimum faydalanmaqla müştərilərin bank xidmətlərindən daha rahat, operativ və təhlükəsiz istifadəsini təmin edib. Fəaliyyətində peşəkarlıq, etibarlılıq və yüksək korporativ mədəniyyət meyarlarını rəhbər tutan "TuranBank" bu illər ərzində öz maliyyə sabitliyini qoruyub saxlayıb, biznes subyektlərinin maliyyələşməsi sahəsində öz mövqeyini daha da gücləndirib, həmçinin, 18 satış nöqtəsində 129 mindən çox fiziki və hüquqi şəxsə xidmət göstərərək müştəri bazasını genişləndirməyə müvəffəq olub.
"TuranBank" 30 illik fəaliyyəti ərzində daim real sektora dəstək olub, sahibkarlıq subyektlərinin maliyyə vəsaitlərinə çıxışını genişləndirərək ölkə iqtisadiyyatının inkişafına öz töhfəsini verib. Ötən illər ərzində Bank yerli qurumlardan İqtisadiyyat Nazirliyi yanında Sahibkarlığın İnkişafı Fondu (SİF), Kənd Təsərrüfatı Nazirliyi yanında Aqrar Kredit və İnkişaf Agentliyi (AKİA), həmçinin nüfuzlu beynəlxalq maliyyə təşkilatları olan Beynəlxalq Maliyyə Korporasiyası (İFC), Avropa Yenidənqurma və İnkişaf Bankı (EBRD), Qara Dəniz Ticarət və İnkişaf Bankı (BSTDB), ECO Ticarət və İnkişaf Bankı (ECO TDB), EMF Mikromaliyyə Fondu, ABŞ-ın Beynəlxalq İnkişaf Agentliyi (USAID), Özəl Sektorun İnkişafı üzrə İslam Korporasiyası (ICD), "Deutsche Sparkassenstiftung für İnternationale Kooperation e.V" fondu və s. ilə kiçik və orta sahibkarlıq layihələri üzrə birgə əməkdaşlıq çərçivəsində qeyri-neft sektorunun inkişafına ciddi dəstək olub.
Fəaliyyət göstərdiyi müddətdə "TuranBank" hər dövrün tələbinə uyğun rəqəmsal məhsullar təklif edən yenilikçi bank kimi müştərilərin rəğbətini qazanıb. Rəqəmsallaşmanın imkanlarından daha çox yararlanmağa çalışan Bank xidmət səviyyəsini yüksəltmək məqsədilə özünün yeni rəqəmsal xidməti olan mobil tətbiqini, yenilənmiş internet bankçılıq sistemini müştərilərin istifadəsinə verib.
30 illik fəaliyyəti ərzində sosial məsuliyyət prinsipinə sadiq qalan "TuranBank" sosial müdafiəyə xüsusi ehtiyac duyan aztəminatlı ailələrə, özünəməşğulluq proqramı çərçivəsində işsiz şəxslərə, ölkəmizin ərazi bütövlüyünün qorunması və torpaqlarımızın düşmən işğalından azad edilməsində əsl qəhrəmanlıq dastanı yazmış qazi və şəhidlərimizin ailələrinə dəstək olmuşdur. Eyni zamanda, qeyd edilən istiqamətdə olan işlərin davamı olaraq "YAŞAT" Fondu, Silahlı Qüvvələrinin Yardım Fondu və Qarabağ Dirçəliş Fondu ilə də əməkdaşlıq edib. "TuranBank" bundan sonra da ölkəmizin ərazi bütövlüyünün müdafiəsi ilə əlaqədar sağlamlığını itirənlər və şəhid ailələrinin sosial təminatına dəstəyini davam etdirəcək.
Sonda "TuranBank" adından 30 il ərzində qazanılmış uğurlarda payı olan hər kəsə dərindən təşəkkür edir və bu illərdə əldə etdiyimiz nailiyyətlərdən ilhamlanaraq qarşıdan gələn dövrdə də uğurlarımızı davam etdirəcəyimizə, həyata keçirdiyimiz hər bir layihədə müştəri və tərəfdaşlarımızın keyfiyyət gözləntilərini aşacağımıza əminliyimizi bildiririk.
Çünki adımız güvən, imzamız etibar yaradır!
"TuranBank"
Bizimlə etibarlıdır ...
Facebook-da paylaş
