Ermənilər Beyrutda da dinc durmurlar
27-10-2020, 21:28
Ermənistanın siyasi partiyası “Daşnaktsutyun”un bir qrup tərəfdaşı Türkiyənin Beyrutdakı səfirliyi yaxınlığında icazəsiz aksiya təşkil edib.
Şəffaflıq.az “Anadolu” agentliyinə istinadən xəbər verir ki, etirazçılar hüquq-mühafizə orqanlarının əməkdaşlarına daş və yandırıcı qarışıqla hücum ediblər.
Təxminən iki yüz erməni etirazçı Azərbaycanın işğal altında olan torpaqlarını azad etmək səylərinə dəstək göstərən Ankaranın mövqeyindən narazılığını bildirib.
Bundan əlavə ermənilərin diplomatik nümayəndəliyin binasına girmək cəhdinin qarşısı ciddi şəkildə alınıb.
Aksiya təxminən bir saat davam edib. Daha sonra daşnaklar hadisə yerini tərk ediblər.
Geri qayıt