Robert Levandovski Bundesliqanın tarixinə düşüb
25-10-2020, 12:00
“Bavariya”nın futbolçusu Robert Levandovski Almaniya Bundesliqasında yeni rekorda imza atıb.
Şəffaflıq.az Apasport.az saytına istinadən xəbər verir ki, polşalı hücumçu ilk 5 turda 10 qol vurmaqla çempionatın tarixinə düşüb.
İndiyədək heç bir futbolçu startda belə məhsuldar olmayıb. Robert buna V turun “Ayntraxt”la görüşündə (5:0) het-trik müəllifi olaraq imza atıb.
Polşalı Bundesliqada 11-ci dəfə het-trik edib. O, bu göstəricidə turnirin 4-cü oyunçusudur. Yalnız üç nəfər daha çox het-trik edib.
Əfsanəvi Herd Müller əlçatmazdır – 32 dəfə. Klaus Fişer və Mario Qomesin aktivində 12 het-trik var ki, Robertin onlara çatması üçün çox gözləmək lazım gəlməyəcək.
Geri qayıt