Son 4 ayda Çində koronavirusa ən yüksək yoluxma halı qeydə alınıb
27-07-2020, 21:51
Koronavirusun ilkin mənbəyi olan Çində xaricdən qaynaqlanmayan gündəlik yoluxma sayı 57-yə yüksəlib. Ümumilikdə son sutkada ölkədə 61 nəfər COVID-19-a yoluxub.
Şəffaflıq.az “Euronews”a istinadən xəbər verir ki, bu göstərici son zamanlar ölkə daxilindən qaynaqlanan ən yüksək yoluxma sayıdır.
Məlumata görə, analoji ən yüksək yoluxma sayı martın 6-da qeydə alınıb və həmin rəqəm 75 nəfər təşkil edib.
Bildirilib ki, Şərqi Türküstanda yerləşən Sincan Uyğur Muxtar Rayonunda qeydə alınmış gündəlik yoluxma hallarının sayı az qala iki dəfə artaraq 41-ə yüksəlib.
Rəsmi məlumata görə, ölkədə indiyədək 83 891 nəfərə COVID-19 diaqnozu qoyulub. Onlardan 4 634 nəfər virusdan ölüb.
Geri qayıt