ÜST: Son sutkada COVID-19-a 142,6 min yoluxma qeydə alınıb
14-06-2020, 09:58
Dünyada koronavirusa yoluxma hallarının sayı 7,5 milyonu ötüb.
Şəffaflıq.az xəbər verir ki, bu barədə Ümudünya Səhiyyə Təşkilatı (ÜST) bildirib.
Təşkilatın məlumatına görə, ayrı-ayrı ölkələrdə təhlükəli virusdan ümumilikdə 423 mindən çox insan ölüb.
ÜST bildirib ki, dünyada COVID-19-a yoluxma hallarının ümumi sayı 7 553 182-yə çatıb. Pandemiya ərzində dünyada indiyədək koronavirusdan 423 349 pasiyent ölüb.
Son gün ərzində virusa 142 672 yeni yoluxma qeydə alınıb. Ötən sutka daha 5 055 insan pandemiyanın qurbanı olub.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Geri qayıt