Nyu-Yorkda komendant saatı ləğv edilib
7-06-2020, 21:29
Nyu-York meri Bill de Blasio şəhərdə komendant saatının ləğv olunduğunu elan edib.
Artıq etiraz aksiyaları dinc formaya keçdiyi üçün belə bir qərar alıblar.
Qeyd edək ki, Nyu-York-da davam edən iğtişaşlardan sonra hakimiyyət bazar gününə qədər komendant saatı tətbiq etmişdi.
Mer bununla bağlı Twitter səhifəsində belə yazıb:
"Nyu-York: Komendant saatını ləğv edirik. Dünən şəhərimizin sakinləri yaxşı nümunə göstəriblər. Ona görə də, sabah komendant saatı ləğv olunur”.
Bundan əvvəl də Nyu-York əyalətinin qubernatoru Endryu Cuomo bildirmişdi ki, hakimiyyət koronavirus pandemiyasına görə şəhərdə tətbiq olunan məhdudiyyətləri iyunun 8-dən qaldırmağa başlayacaq.
Artıq sabahdan etibarən şəhərdə topdan və pərakəndə ticarət işləri yenidən davam edəcək. Restoran və barlar da fəaliyyətini bərpa edir.
Şəffaflıq.az
Geri qayıt