Son üç ildə Laçında elektrik enerjisi istehsalı 19 dəfəyə yaxın artırılıb
Dünən, 15:57
Ötən il Laçın rayonunda 417,5 milyon kVt-saat elektrik enerjisi istehsal edilib.
"Report"un Dövlət Statistika Komitəsinin məlumatları əsasında apardığı hesablamalarına əsasən, bu göstərici 2024-cü illə müqayisədə 14,2 % çoxdur.
İşğaldan azad ediləndən sonra Laçında elektrik enerjisinin istehsalına 2022-ci ildən başlanılıb. Həmin vaxtdan indiyədək istehsal həcmində 18,6 dəfə artım müşahidə edilib.
2025-ci ildə Azərbaycanda ümumilikdə 28 milyard 683 milyon kVt/saat elektrik enerjisi istehsal edilib. Bunun 9 milyard 624,6 milyon kVt/saatı Mingəçevir şəhərinin, 8 milyard 708,2 milyon kVt/saatı Bakı şəhərinin, 3 milyard 840,5 milyon kVt/saatı Şirvan şəhərinin, 3 milyard 101,1 milyon kVt/saatı Sumqayıt şəhərinin, 1 milyard 36,9 milyon kVt/saatı Şəmkir rayonunun, 725,3 milyon kVt/saatı Abşeron rayonunun, 513,9 milyon kVt/saatı Naxçıvan Muxtar Respublikasının, 215,4 milyon kVt/saatı Şəki rayonunun, 206,6 milyon kVt/saatı Xaçmaz rayonunun, qalan hissəsi isə digər rayonların payına düşüb.
Şəffaflıq.az
Geri qayıt