Lənkəranda gəncə ağır xəsarət yetirməkdə şübhəli bilinən şəxs saxlanılıb

Lənkəranda gənclər arasında dava bir nəfərin komaya düşməsinə səbəb olub.

Şəffaflıq.az-ın məlumatına görə, hadisə Kərgəlan kəndində baş verib.

Kənd sakini 2010-cu il təvəllüdlü E.İbadov tanışları ilə mübahisə zəminində döyülüb.

Zərərçəkən Lənkəran Rayon Mərkəzi Xəstəxanasına çatdırılıb. Ona kəllədaxili travma diaqnozu qoyulub. E.İbadov reanimasiya şöbəsinə yerləşdirilib, süni tənəffüs aparatına qoşulub.

Faktla bağlı araşdırma aparılır.