Beynəlxalq mediaforumun iştirakçıları Özbəkistanda İmam əl-Buxari kompleksini ziyarət ediblər

Özbəkistanda keçirilən "İslam sivilizasiyası" beynəlxalq mediaforumu çərçivəsində iştirakçılar Səmərqənd vilayətindəki İmam əl-Buxari memorial kompleksini ziyarət ediblər.

Şəffaflıq.az xəbər verir ki, kompleks şəhərdən təxminən 25 km məsafədə, Xartanq kəndində yerləşir. Burada İmam əl-Buxari kimi tanınan görkəmli İslam alimi və hədis toplayıcısı Məhəmməd ibn İsmayıl əl-Buxari (810–870) dəfn olunub.

Genişmiqyaslı yenidənqurma işlərindən sonra kompleksin ərazisi böyüyərək təxminən 44-45 hektara çatıb. Burada İmam əl-Buxarinin məqbərəsi, cümə məscidi, muzey, kitabxana, xiyabanlar, su kompozisiyaları və ziyarətçilər üçün istirahət zonaları yerləşir.