İraq iranyönümlü qruplaşmalardan tərk-silah olmağı tələb edib

İraq hakimiyyəti ölkə ərazisində fəaliyyət göstərən və İran tərəfindən dəstəklənən qruplaşmalara silahları təhvil vermək üçün sentyabrın 30-dək müddət müəyyən edib.

Şəffaflıq.az "Al Jazeera"ya istinadən xəbər verir ki, bu barədə İraq hökumətinin rəsmi nümayəndəsi mətbuat konfransında bildirib.

Mənbələrin məlumatına görə, əksəriyyəti "Xalq Səfərbərlik Qüvvələri"nin (Popular Mobilization Forces) tərkibinə daxil olan bu qruplaşmaların bir hissəsi ABŞ-İsrailin İrana qarşı əməliyyatının ilk həftələrində İraq ərazisindəki ABŞ obyektlərinə zərbələr endirib.