Milli Onkologiya Mərkəzi BAĞLANIB? - FOTO
15-03-2020, 14:03
Milli Onkologiya Mərkəzi koronavirusla əlaqədar fəaliyyətini dayandırıb?
Şəffaflıq.az xəbər verir ki, news24.az-a etibarlı mənbədən daxil olan məlumata görə, mərkəzdə xəstə qəbulu dayandırılıb. Hətta xəstələrin kimya terapeyisı da ev şəraitində aparılır. Həkim heyəti işə gəlmir. Onlara tapşırılıb ki, ambulator xəstəsi olmayanlar işə gəlməsin".
Məsələ ilə bağlı Milli Onkologiya Mərkəzi ilə əlaqə saxladıq. Xəstəxanadan bildirildi ki, hazırda xəstəxanaya giriş-çıxışa məhdudiyyət qoyulub. Kimiya terapiyası üçün gəlmək istəyənlər isə əvvəlcədən öz həkimləri ilə əlaqə saxlamalıdır: “Bizə tapşırıq verilib ki, içəri nə xəstə yanına, nə də həkim yanına heç kim buraxılmasın”.
Milli Onkologiya Mərkəzinin baş həkimi Azad Kərimli isə news24.az-a məlumatların uydurma olduğunu deyib: “Mənim üçün də deyirlər ki, qrip olmuşam, aparıblar karantinə. Hamısı əsassızdır. Sadəcə, xəstələrin yanına girişi azaltmışdıq. Bu gündən isə xəstələrin yanına ziyarəti tamamilə bağladıq. Şüa alan gəlir, şüasını alır. Mərkəz xəstə ilə doludur, bu nə deməkdir axı?! Əvvəllər xəstələrə ziyarət üçün bir nəfər buraxılırdı. Bu gündən ona da məhdudiyyət qoyuldu. Bu bizim deyil, Nazirlər Kabinetinin qərarıdır.
Baş həkim xəstələrin ev şəratində kimya terapiya olunması haqda deyilənləri də təksib etdi: “Nə danışırsız siz?! Xəstələr gəlib bütün müayinələri ambulator şəraitdə alıb, gedirlər”.
Geri qayıt