Azərbaycan hərbçiləri "EFES-2026"da dağçılıq hazırlığı üzrə məşqlər keçiblər
Bu gün, 12:25
Türkiyədə Azərbaycan Ordusunun bir qrup hərbi qulluqçusunun iştirakı ilə keçirilən "EFES-2026" çoxmillətli birgə müştərək təlimi davam edir.
Bu barədə Azərbaycan Müdafiə Nazirliyindən məlumat verilib.
Bildirilib ki, təlimin növbəti mərhələsinin planına uyğun olaraq Azərbaycan, Türkiyə, Albaniya, Niger, Nigeriya və Rumıniya nümayəndələri mağara, sığınacaq və tunellərdə axtarış, eləcə də dağçılıq hazırlığı üzrə məşqlər keçiblər.
Azərbaycan hərbçiləri real döyüş şəraitinə uyğunlaşdırılmış təlimdə tapşırıqların icrası zamanı yüksək təcrübə nümayiş etdiriblər.
Şəffaflıq.az
Geri qayıt