ABŞ vitse-prezidentinin Azərbaycan və Ermənistana səfərinin təxmini tarixi məlum olub

ABŞ vitse-prezidenti Cey Di Vens İtaliyada 2026-cı il Qış Olimpiya Oyunlarının açılışından sonra Azərbaycan və Ermənistana səfər edəcək.

Şəffaflıq.az xəbər verir ki, bu barədə AP agentliyi məlumat yayıb.

ABŞ Dövlət Departamentinin məlumatına görə, bu ölkənin nümayəndə heyəti fevralın 4-7-də İtaliyaya səfər edəcək.

Nümayəndə heyətinin tərkibinə ABŞ Dövlət katibi Mark Rubio da daxil olacaq.

Qeyd edək ki, 2026-cı il Qış Olimpiya Oyunlarının açılış mərasimi fevralın 6-da start götürəcək.