Naxçıvanda vətəndaşların 60 min manata yaxın pulunu ələ keçirməkdə şübhəli bilinən şəxs saxlanılıb
Bu gün, 09:30
Naxçıvanda insanları Bakıdan avtomobil gətirmək adı altında aldatmaqda şübhəli bilinən şəxs saxlanılıb.
Şəffaflıq.az xəbər verir ki, Naxçıvan Şəhər Polis İdarəsinin əməkdaşları tərəfindən həyata keçirilən əməliyyat-axtarış tədbirləri nəticəsində dələduzluq əməli törətməkdə şübhəli bilinən şəxs saxlanılıb.
Aparılan araşdırmalarla əvvəllər də məhkum olunmuş 32 yaşlı Tural Bağırovun müxtəlif şəxslərə paytaxtdan münasib qiymətə avtomobil gətirəcəyini vəd edərək onların etimadını qazandığı və bu yolla ümumilikdə 9 nəfəri aldadaraq 58 min 500 manat məbləğində pul vəsaitini ələ keçirdiyi müəyyən olunub
Faktla bağlı Naxçıvan Şəhər Polis İdarəsində dələduzluq maddəsi ilə cinayət işi başlanılıb, araşdırmalar davam etdirilir.
Geri qayıt