Rusiya Xarkovda dəmir yoluna zərbə endirib, ölən və yaralananlar var

Rusiya Silahlı Qüvvələri Ukraynanın Xarkov vilayətinin Lozovaya şəhərində dəmir yolu infrastrukturuna zərbə endirməsi nəticəsində bir nəfər həlak olub, dörd nəfər yaralanıb.

Şəffaflıq.az xəbər verir ki, bu barədə Ukrayna KİV-i "Ukrzaliznıtsya"nın mətbuat xidmətinə istinadən məlumat yayıb.

"Bölmələrdən birinin növbətçi mexaniki həlak olub, daha dörd dəmiryolçu yaralanıb. Bütün zərərçəkənlərə lazımi tibbi yardım göstərilir", - məlumatda deyilir.

Hücum nəticəsində dəmir yolu vağzalı və digər infrastruktur obyektləri zədələnib.

Ukraynanın Fövqəladə Hallar üzrə Dövlət Xidmətinin məlumatına görə, zərərçəkənlərin sayı 10 nəfərə çatıb.