Tovuzda Birinci Qarabağ müharibəsinin şəhidi Fuad Ələsgərovla vida mərasimi keçirilib
20-06-2025, 14:49
Qalıqları Xocavənd rayonunda tapılan Birinci Qarabağ müharibəsində itkin düşmüş hesab olunan Fuad Cəfər oğlu Ələsgərovun meyitinin qalıqları Tovuz rayonuna gətirilib.
Şəffaflıq.az-ın Qərb bürosunun məlumatına görə, şəhidin nəşi rayonun Ağbaşlar kəndində ailəsinə təhvil verilib.
Şəhidlə vida mərasimi keçirilib.
Qeyd edək ki, Fuad Cəfər oğlu Ələsgərov 1974-cü il martın 8-də Tovuzun Ağbaşlar kəndində anadan olub. O, 1993-cü il avqustun 31-də Füzuli rayonunun Kürdmahmudlu kəndi istiqamətində itkin düşüb.
F.Ələsgərov Ağbaşlı kənd qəbiristanlığında dəfn olunacaq.
Geri qayıt