Belarus XİN İrandan vətəndaşlarının təxliyəsinə görə Azərbaycana minnətdarlıq edib
17-06-2025, 10:02
Belarusun 23 vətəndaşı iyunun 16-da İrandan təxliyə edilib.
Şəffaflıq.az “İnterfaks”a istinadən xəbər verir ki, bu barədə Belarus Xarici İşlər Nazirliyi (XİN) mətbuat xidməti məlumat verib.
"Belarus vətəndaşlarının iki qrupu (ümumilikdə 23 nəfər) iyunun 16-da İran İslam Respublikasından uğurla çıxıblar. Belarus vətəndaşları ilə birlikdə İranı üç Rusiya vətəndaşı da tərk edib", - məlumatda vurğulanıb.
Belarus xarici siyasət idarəsi vətəndaşlarının təxliyəsi üçün yaradılmış şərait və imkana görə Azərbaycan və iranlı tərəfdaşlarına minnətdarlıq ifadə ediblər.
Geri qayıt