Yunanıstanın yeni prezidenti and içib

Yunanıstan parlamentinin keçmiş sədri Konstaninos Tasulas prezident vəzifəsinə başlayıb, Katerina Sakellaropulunu əvəz edib.

Şəffaflıq.az xəbər verir ki, bu barədə Yunanıstan KİV-i məlumat yayıb.

Fevralda Yunanıstan parlamenti K.Tasulası respublikanın yeni prezidenti seçib. Səsvermənin dördüncü turunda o, 160 səs toplayıb. Səsvermədə parlamentin 300 üzvündən 276-sı iştirak edib. Seçilmək üçün namizədə 151 səs lazım idi.

Tasulasa hakim mühafizəkar "Yeni Demokratiya" partiyasından olan 156 deputat, həmçinin keçmiş baş nazir Antonis Samaras və üç müstəqil deputat səs verib.