Abşeron rayonunda yol qəzası olub, xəsarət alan var

Abşeron rayonunda 33 yaşlı kişi yol qəzasında xəsarət alıb.

Şəffaflıq.az-ın məlumatına görə, hadisə Masazır qəsəbəsində qeydə alınıb.

1992-ci il təvəllüdlü Dadaşov Qalib Vaqif oğlu yolu keçərkən avtomobil onu vurub.

Yaralı təcili tibbi yardımın köməkliyilə xəstəxanaya çatdırılıb. Müayinə zamanı ona müştərək travma və açıq kəllə-beyin travması diaqnozu qoyulub.

Fakt araşdırılır.