"Real"ın futbolçusu rəqib qapıçını itələdiyinə görə 2 oyunluq diskvalifikasiya olunub

İspaniya Kral Futbol Federasiyasının İntizam Komitəsi "Real"ın braziliyalı hücumçusu Vinisius Junioru “Valensiya”nın qapıçısı Stole Dimitrievskini itələdiyinə görə iki oyunluq diskvalifikasiya edib və cərimələyib.

Şəffaflıq.az-ın xəbərinə görə, bu barədə qurumun mətbuat xidməti məlumat yayıb.

İspaniya çempionatının XII turundan təxirə salınan matçında Vinisius "Valensiya"nın qapıçısı Dimitrievskini itələyərək yerə yıxıb və 79-cu dəqiqədə meydandan qovulub. İntizam Komitəsi diskvalifikasiyadan əlavə, "Real"ı 700 min, Vinisiusu isə 600 min avro cərimələyib.

Qeyd edək ki, qarşılaşma "Real"ın 2:1 hesablı qələbəsi ilə başa çatıb.