İnsayder Romano Ronaldunun PSJ-yə keçidi barədə məlumatı şərh edib
3-01-2025, 10:39
İnsayder (xidməti mövqeyinə görə gizli məlumatlara çıxışı olan şəxs - red) Fabrisio Romano Səudiyyə Ərəbistanının "Əl-Nəsr" futbol komandasınınin hücumçusu Kriştianu Ronaldonun Fransanın PSJ klubuna keçəcəyi barədə yayılan xəbərlərə aydınlıq gətirib.
“Report”un məlumatına görə, bu barədə o “X”dəki səhifəsində yazıb.
"Xəbərlərə baxmayaraq, Kristianu Ronaldu PSJ ilə müqavilə imzalamaq üçün danışıqlar aparmır", - Romano sosial şəbəkədəki hesabında yazıb.
Ronaldu cari mövsüm 19 matçda iştirak edib, 16 qol vurub, üç məhsuldar ötürmə edib. Futbolçunun klubla əmək müqaviləsi 2025-ci ilin yayına qədər nəzərdə tutulub.
“Transfermarkt” portalının məlumatına görə, Ronaldunun bazar dəyəri 12 milyon avrodur.
Şəffaflıq.az
Geri qayıt