Əsas Səhifə > Hadisə > Azərbaycanda toya və yasa gedən avtomobillər toqquşub, üç nəfər ölüb, səkkizi yaralanıb - YENİLƏNİB-2

Azərbaycanda toya və yasa gedən avtomobillər toqquşub, üç nəfər ölüb, səkkizi yaralanıb - YENİLƏNİB-2


28-12-2024, 12:09


Biləsuvar rayonunda baş verən ağır yol qəzasında üç nəfərin öldüyü, səkkiz nəfərin yaralandığı dəqiqləşib.

Bu barədə DİN Mətbuat Xidməti Lənkəran regional qrupundan "Report"un Muğan bürosunun sorğusuna cavab olaraq bildirilib.

Qeyd edilib ki, dekabrın 28-də saat 9 radələrində Biləsuvar rayonunun Arazbarı kəndi ərazisində X.Quluzadənin idarə etdiyi "Opel" markalı avtomobillə E.Kərimlinin idarə etdiyi "Vaz" markalı avtomobil toqquşub.

Nəticədə avtomobillərdə olan sərnişinlərdən Şöhlət Məmmədova, Məryəmxanım Kərimova və İlqar Kərimov ölüb, səkkiz nəfər isə müxtəlif bədən xəsarətləri alıb.

Araşdırma davam etdirilir.


Geri qayıt