Səbinə Əliyeva Qubada vətəndaşları qəbul edəcək

Azərbaycanın İnsan Hüquqları üzrə Müvəkkili (Ombudsman) Səbinə Əliyeva Quba şəhərində vətəndaşları qəbul edəcək.

Ombudsman Aparatından "Report"a verilən xəbərə görə, qəbul dekabrın 26-da keçiriləcək.

Ombudsmanın qəbulu aparatın Şimal Regional Mərkəzində saat 10:00-da Quba şəhəri, Yusif Qasımov küçəsi 68 ünvanında keçiriləcək.

Qəbula Quba, Qusar, Xaçmaz, Şabran, Siyəzən və Xızı rayonlarının sakinləri müraciət edə bilərlər.