İranın Dini Ekspertlər Şurası Suriyadakı hadisələrlə bağlı bəyanat yayıb

İranın Dini Ekspertlər Şurası Suriyadakı son hadisələrlə bağlı bəyanat yayıb.

Şəffaflıq.az xəbər verir ki, məlumatı İran KİV-i yayıb.

Şura üzvləri İranın ali rəhbəri ayətullah Seyid Əli Xaməneinin Suriyadakı hadisələrlə bağlı açıqlamasını ümidverici və əhatəli olduğunu vurğulayıblar.

Məlumata görə, Ekspertlər Şurası Suriyadakı hadisələrin və müqavimət oxunun aydın gələcəyinin izahında ali rəhbərin maarifləndirici və təşviqedici mövqelərinə görə minnətdarlığını bildiriblər.

Bildirilib ki, şura İran və “müqavimət oxu” ölkələri gənclərini “islam və ədalət ideallarının müdafiəsi yolunda iman, bəsirət və öz vəzifələrinə” əməl etməyə çağırıb.

Qeyd edək ki, ayətullah Seyid Əli Xamənei Suriyanın gələcəyini suriyalı gənclərin həll edəcəyini bildirərək, Bəşşar Əsəd rejiminin süqutunda ABŞ, İsrail və qonşu dövlətlərdən birini suçlu bilib.

Bu şuranın 289 üzvü var. Onlar ümumxalq səsverməsi yolu ilə seçilir. Şura İranın ali rəhbərini seçən və onu istefaya göndərən qurumdur.