Nazirliyin tabeliyindəki kollec və peşə məktəblərinin siyahısında dəyişiklik edilib
9-11-2024, 15:34
Elm və Təhsil Nazirliyi (ETN) yanında Elm və Ali Təhsil üzrə Dövlət Agentliyinin strukturuna daxil olmayan tabeliyindəki orta ixtisas təhsili müəssisələrinin siyahısında dəyişiklik edilib.
“Report”un əldə etdiyi məlumata görə, bununla bağlı ETN kollegiyası qərar qəbul edib.
Qərarla Naxçıvan Dövlət Universitetinin nəzdində Naxçıvan Musiqi Kolleci həmin siyahıya əlavə edilib.
Digər qərarla Peşə Təhsili üzrə Dövlət Agentliyinin strukturuna daxil olmayan tabeliyindəki peşə təhsili müəssisələrinin siyahısında “Peşə təhsili mərkəzləri” bölməsinə aşağıdakı məzmunda əlavə edilib:
- Ağdam Dövlət Peşə Təhsil Mərkəzi
- Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzi
- Bərdə Dövlət Peşə Təhsil Mərkəzi
- Xidmət Sahələri üzrə Sumqayıt Dövlət Peşə Təhsil Mərkəzi
- Lənkəran Dövlət Peşə Təhsil Mərkəzi
- Mədəniyyət və Sənətkarlıq üzrə Bakı Dövlət Peşə Təhsil Mərkəzi
- Ticarət və Xidmət Sahələri üzrə Gəncə Dövlət Peşə Təhsil Mərkəzi
- Tovuz Dövlət Peşə Təhsil Mərkəzi
Eyni zamanda Salyan Peşə Liseyinin adı dəyişdirilərək Sübhan Rahim oğlu Cəbrayılov adına Salyan Peşə Liseyi adlandırılıb.
Geri qayıt