Premyer Liqa: XII tura bu gün yekun vurulacaq

Misli Premyer Liqasının XII turuna bu gün keçiriləcək iki qarşılaşma ilə yekun vurulacaq.

Şəffaflıq.az xəbər verir ki, əvvəlcə "Kəpəz" Tovuz şəhər stadionunda "Səbail"lə üz-üzə gələcək.

Kamal Umudlunun idarə edəcəyi görüş saat 16:00-da başlayacaq. Hazırda "Səbail" 7 xalla doqquzuncudur. Sonuncu - 10-cu pillədə olan "Kəpəz" isə 3 xala malikdir.

Günün son qarşılaşması Sumqayıtdakı Mehdi Hüseynzadə adına stadionda gerçəkləşəcək. "Sumqayıt" evdə "Sabah"la qarşılaşacaq. Rəvan Həmzəzadənin idarə edəcəyi görüşə saat 19:00-da start veriləcək. Hazırda "Sabah" 17 xalla beşinci pillədə yer alıb. "Sumqayıt" isə 10 xalla 7-cidir.

Azərbaycan Premyer Liqası

II dövrə, XII tur

3 noyabr

16:00. “Kəpəz” – “Səbail”

Hakimlər: Kamal Umudlu, Vüsal Məmmədov, Zöhrab Abbasov, Kamran Əliyev.

VAR: Cavid Cəlilov.

AVAR: Teymur Teymurov.

Hakim-inspektor: Rəhim Həsənov.

AFFA nümayəndəsi: Seymur Səlimli.

Tovuz şəhər stadionu

19:00. “Sumqayıt” – “Sabah”

Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov.

VAR: İnqilab Məmmədov.

AVAR: Namik Hüseynov.

Hakim-inspektor: Asim Xudiyev.

AFFA nümayəndəsi: Erkin Hüseynov.

Mehdi Hüseynzadə adına stadion

Qeyd edək ki, turun əvvəlki oyunlarında "Neftçi" evdə "Araz-Naxçıvan"a uduzub - 0:1. "Turan-Tovuz" - "Qarabağ" matçında qol vurulmayıb. "Zirə" isə səfərdə "Şamaxı"nı məğlub edib - 2:0.