Saatlıda yük maşını ilə avtomobil toqquşub, xəsarət alanlar var
11-10-2024, 09:36
Saatlı rayonunda yük maşını minik avtomobili ilə toqquşub.
“Report”un Aran bürosunun məlumatına görə, hadisə rayonun Əlisoltanlı kəndi qeydə alınıb.
Belə ki, “Mercedes” markalı qoşqulu yük maşını ilə "VAZ-2109" markalı minik avtomobili toqquşub, nəticədə hər iki nəqliyyat vasitəsi yolun kənarına aşıb.
Hadisə zamanı Saatlı rayon sakinləri, 1961-ci il təvəllüdlü Nuriyev Xaqani Firudin oğlu və 1991-ci il təvəllüdlü İmanquliyev Şamxal Münasib oğlu müxtəlif dərəcəli xəsarətlər alıblar.
Hər iki şəxs Saatlı Rayon Mərkəzi Xəstəxanasına yerləşdirilib. Faktla bağlı araşdırma aparılır.
Geri qayıt